2018/05/21

HERBEHERETAN GAUDE!


Ostegunean heldu ginen  martxoan Gernika bisitatu zuten holandar ikasleekin egoteko. Ongi-etorri ezin hobea izan genuen. Aste batez aukera izango dugu euren eskola, ohitura, janari, inguru, lagunak...ezagutzeko. Ingelesa praktikatu eta hainbat eta hainbat gauza ikasiko ditugu.


2018/05/09

GU BE ZUEK GARA

2018/05/07

GLOBOAN MUNDUAN ZEHAR!

4 urteko umeok Bidaia globoan munduan zehar proiektua burutzean garraiobideen mapa mentala egin ostean,  etxetik ekarritako garraiobideak sailkatu eta gure maketan kokatu ditugu. 3 eta 4 urteko umeen proiektuak bateratuz osotu dugu gure maketa. 

2018/05/02

BIZKAIDATZ TXIKIA IV 2017-2018

Hau poza! Gaur berri alaiarekin jaiki gara. Bizkaidatz Txikia IV 2017-2018 sariaren epamahaiak Janire Arrizabalagaren kontakizuna aukeratu du,  gazteentzako lehen saria gaztelaniazko modalitatean. Toti Martínez de Lezeak hasitako El secreto de la isla kontakizunari  jarraipena ematea izan da lehiaketaren xedea. Eta berak lortu du!

Hona hemen parte hartu dutenen argazkia. Zorionak danori!

2018/04/26

IKASTEN DUGUNAK BALIO DU BESTEEI LAGUNTZEKO!

Bost urteko umeek asko dakigu eta gu baino gaztetxoagoak direnei gure laguntza eskaini ahal diegu. Hamaiketako orduan gailetak banatu dizkiegu eta psikomotrizitate saioak burutu ostean, oinetakoak janzten lagundu diegu. Zein ondo! 

ANIMALIAK GURE LAGUNAK DIRA?

Animalien proiektuari hasiera emateko, 3 urteko umeak Basondora joan gara. Bertan animalia desberdinak ikusi ditugu eta eurak ondo zaintzeak duen garrantziaz ohartu gara. Egun polita pasatu dugu guztiok elkarrekin!

2018/04/11

ASTEBURU BIRIBILA 6. MAILAKO SASKIBALOIKO TALDEAREN ESKUTIK


Aste Santuko BBKUP txapelketak eta pasa den igandeko Balmasedako txapelketak hainbat momentu hunkigarri utzi zizkieten gure 6.mailako neskei .
BBK eta Bilbao Basketek antolatutako txapelketan lehengo eta bigarren postua lortu zuten  taldeko jokalari batzuek,  Allende Salazarreko jokalariekin nahasturik Miribillan antolatutako Finaletan.

Balmasedako txapelketa ere ez zen atzean geratzeko modukoa izan, gure neskek merezimendu osoz lortu zuten 3.postua finalerdietan Allende Salazarren aurka galduta eta azken partidua irabazita. Beraz, esperientzia oso ederra bizitakoa gureek eta batez ere egun pasa ederra tratu bikainari esker. 




2018/04/10

LORALDIA FESTIBALEAN PASTORALA ANTZEZTU DUGU


Martxoaren 23an LH6.mailako ikasleek Bilboko Azkuna Zentroan Gernikako bonbardaketaren inguruko pastorala aurkeztu genuen. Loraldia Festibalaren egitarauaren barruan kokatu behar dugu ekintza hau. Estreinaldi hunkigarria eta ederra izan zen bai ikusleentzako eta bai parte-hartzaileentzako.
Maiatzean berriz ikusteko aukera izango dugu Gernikako Lizeo Antzokian.





2018/03/23

EGIPTORA BIDAIATU DUGU!


Zuek badakizue papiroak eta ieroglifikoak egiten? Ba, guk bai. Egiptoko kultura ezagutu dugu Haur Hezkuntzako 4 urteko gelan.

2018/03/22

GORA BERTSOLARI GAZTEAK!!!


Domeka honetan, martxoaren 18an,  Mendatan idatzizko bertso txapelketaren XXI. edizioa ospatu zen . Txapelketa honetako lehenengo kanporaketan Busturialde, Zornotza eta Munitibarreko ia  400 neska-mutilek  hartu zuten parte. Txapelketa hiru kategoariatan  banatu zen: A kategorian 12 urtera artekoak egon ziren, B kategorian 12, 13 eta 14 urtekoak eta D kategorian 15 – 18 urte bitartekoak.
Gure ikastolako bertsolari gazteek gogotsu parte hartu zuten eta sariak lortu ere. A kategoriako bigarren saria Amets Martin Tudancarentzat izan zen, B kategorian Jokin Ansotegi Vallejo de Olejuak lortu zuen lehen saria eta Ismael Aomar Hamdanek aipamena izan zuen eta azkenik, D kategorian Janire Arrizabalaga Munduate izan zen garaile. Zorionak!!!