2017/05/19

EUROPAKO KONTSEILUAN IZAN DA GURE ERASMUS+ PROIEKTUKO TALDEA



Europako Kontseilua, giza eskubideak bere osotasunean babesten dituen erakundea ezagutzeko aukera izan dugu eta Suedia, Frantzia eta Alemaniako ordezkariekin ere aritu gara solasean diskriminazio, xenofobia eta bullyingaren inguruan.

2017/05/18

"GU BE ZUEK GARA" KANPAINAREN ALDE


Gernikako Atletismo taldeak eta La Cuadri del Hospi elkarteak datorren maiatzaren 21erako maratoi solidarioa antolatu dute eta denok gaude gonbidatuta parte hartzera.

Helburuetako bat, haurren minbiziaren tratamendurako ikerketa zientifikoa finantziatzea da eta horrekin loturik O.I.I. Biocrucesen proiektua abian jartzea. Ekintza solidario honen aldeko sentsibilizazioa jorratu dugu ikastolan eta hona hemen horren adibidea. 

EUROPAKO PARLAMENTUAN PROIEKTUA AURKEZTU DUGU



Erasmus + egitasmoari dagokion bi urtetan landutako eta burututako proiektua Europako parlamentuan aurkeztu eta defendatu dugu eurodiputatuen galderak erantzunez.

2017/05/17

LEHENENGO EGUNA ESTRASBURGON

Erasmus + proiektuaren azken txanpa honetan lehenengo eguna igaro da jada. Marlenheimen bildu garen bost herrialdeetako kideek elkar ezagutzeko ekintza desberdinak egin ostean,  asteko plangintzari hasiera eman diogu. Europako erakundeak ezagutzeko aukera izango dugu bihar,eta irrikitan gaude!

SAN FIDEL IKASTOLAN BADITUGU OKINAK


Haur hezkuntzako 4urteko gelako umeok ogia egin dugu ikastolako jantokian. Baserriko gaia lantzen gabiltza, eta gure ipuinean agertzen den bezala, ogia egiteko irina  garitik lortzen dela ikasteaz gain, ogia egitearen prozesua ere esperimentatu dugu. Jarduera  polita benetan!!!!!!

DONOSTIAKO AQUARIUMEAN IKASTEN ETA ONDO PASATZEN.

HH 5 urtekoak Donostiako Aquariumera joan gara uretako animaliak ezagutzera. Historia ere ikasi dugu eta lantzen ari garen dinosauroen garaiko uretako animalien fosilak ikusi ditugu.

ELKARTRUKEKO AZKEN EGUNEAN AMSTERDAMERA ETORRI GARA

Egonaldia biribiltzeko hiriburu ospetsua ezagutzeko aukera izan dugu. Bertako kale, eraikin, ubide eta giroaz gozatu dugu. Ana Frank Museora ere joan gara eta oso interesgarria iruditu zaigu. Merezi  izan du!

2017/05/12

BAGOAZ ESTRASBURGORA!!

Dagoeneko, heldu zaigu Erasmus+ proiektuaren azken bidaia egiteko unea (maiatzak 14-20) eta parte hartuko duten ikasleak ondorengoak dira: Jone Otazua, Aitor Etxaniz, Naroa Arandia, Saira Caloca , Shun Yi Rubio, eta Irati Unzueta.

Marlenheim-era goaz berriro baina oraingoan Estrasburgoko Rhin Beherea Departamenduko Batzordea izango da antolatzailea. Dakizunenez bost herrialde (Suedia, Polonia, Alemania, Frantzia eta gu geu) eta Frantziako Gobernuko erakundea osotzen dugu lan-taldea.

Bi urtetan zehar, klaseko orduetan landu dugu “All different but all the same: being a Neweuropean citizen” gaia eta joaten izan garen herrialde bakoitzean garatu izan dugu. 

Oraingoan, Estrasburgoko Parlamentuan, ikastetxe bakoitzak bullying-aren aurka egiten duena partekatzeko aukera izango dugu eta  azkenean gure ametseteko eskolaren ezaugarriak adostuko ditugu. Bestalde, Europar parlamentariek  euren lanaren ildo nagusiak azalduko dizkigute.



Aukera ezin hobea gure ikasleentzat!

2017/05/11

PHILIPS LANTEGIKO TAILERRETAN LANEAN

Eindhoven hiria bisitatu dugu. Frits Philips famatuak egindako eta utzitako ondarea ezagutzeko aukera izan dugu. Discovery Factory izeneko eraikuntza historikoan tailer interaktiboak burutu ditugu eta ikasleek euren trebezia erakusteko aukera izan dute.

2017/05/10

HELDU GARA HOLANDARA!

DBH 3. mailako ikasleek Metameer eskolako ikasleekin burutuko dugu aurtongo Elkartruke proiektuaren bigarren zatia. Eurek Gernika bisitatu ostean, orain geuri dagokigu aste batean zehar euren ohiturak, kultura eta parajeak ezagutzea. Gainera ingelesa praktikatu eta lagun berriak egin.

HARRIKURUTZ MENDIRA IRTENALDIA


Joan den domekan mendizale taldeak txango ederraz gozatzeko aukera izan genuen. Gainera koba txiki batera sartu ginen frontalakin.

2017/05/03

IKASLE OHIEN AFARIA, PRIMERAN!


Joan den apirilaren 7an Ikasle Ohien Afaria ospatu genuen. Hirugarren jaialdi honetan 270 ikasle ohi eta irakasle elkartu ginen giro ederrean.
Hemen dituzue bertan ateratako argazkiak. Hurrengoan gehiago eta hobeto!


LHko 4.MAILAKO IKASLEAK KAZETARI


Euskarako arloan elkarrizketa eta inkesta landu ostean, ikasitako praktikan jartzeko, La Voz Kids programan parte hartu zuen gure DBH 3. mailako ikasle den Mareneri  elkarrizketa bat egin diogu.  Umeak gogotsu ibili dira lana prestatzen eta Maren gelara etorri denean oso adi eta motibatuta hainbat galdera egin dizkiote. Maren oso hurbila izan da eta denak pozarren geratu dira bere bisitagatik eta sinatutako autografoengatik.

LEHEN HEZKUNTZAKO 5. eta 6. MAILAKO TXISTULARIAK GERNIKA-LUMO HIRIBILDUAREN URTEURRENEAN


Gernika-Lumo hiribilduaren 651.urteurrena ospatu zen joan den apirilaren 28an. Bertan izan ziren Mertxe Arandiak zuzendutako Ikastolako txistulariak kalejira animatzeko. Lumorekin elkartu aurretik, Gernika osatzen zuten kaleak zeharkatu zituzten eta ostean Gernikako udaletxe aurrean aurreskua dantzatu zuten Naroa Arandiak eta Maite Etxebarriak. Ekitaldi esanguratsu eta garrantzitsu honi Ikastolak bere ekarpena eskaini zion ikasleak partaide sentituz.

2017/04/27

GURE ORTU TXIKIA

Haur hezkuntzako 4 urteko umeak baserriaren inguruko gaia lantzen ari dira eta, oraingoan, barazki ezberdinak landatu dituzte.

BIGARREN ESKUKO LIBURUEN AZOKA MARTXAN IKASTOLAN

Apirilaren 24tik 28ra ikastolan jolastorduetan antolatu da bigarren eskuko liburuen azoka. Aurretiz ikasleek eskainitako liburuen bilketa egin da eta egun hauetan gustuko duten libururen bat eskuratzeko aukera dute euro baten truke.

Ekintza hau Agenda 21eko batzordeak bideratu du liburuak berrerabiltzeko helburuarekin eta bide batez, irakurzaletasunaren alde egiteko.

Lortuko den dirua “Ongi-etorri errefuxiatuak” Bizkaiko plataformari emango zaio.

GERNIKAKO BONBARDAKETAREN 80. URTEURRENEAN, DBH 4. MAILAKO IKASLEEK MEMORIAREN PLAZA PROIEKTUAN PARTE HARTU DUTE.


Bonbardaketaren urteurren honetan Gogora Institutuak beste ekintza batzuen artean, erakustaldi ibiltari bat eta DBH 4. mailako ikasleentzako tailerrak antolatu ditu. Gure ikasleak bertan izan ziren apirilaren 26an esperientzia esanguratsua bizi ahal izateko. Gernikako bonbardaketaren bideo bat ikusi zuten; gero, frankismoaren biktimen memorien lekukotzak entzun zituzten, eta baita terrorismoaren biktimenak ere, ondorengo mahainguru eta hausnarketarako baliagarriak izan zirenak. Tailer hauen helburua memoria eraikitzeko giltzarriak ezagut ditzaten laguntzea da eta beharrezkoa den gogoeta kritikorako bidea erraztea. 

IKUSIZ IKASI PROGRAMA BURUTU DUGU

 
Ikusiz Ikasi programaren helburua giza-baloreak lantzea eta kultura eta une historikoak ezagutzea da. Horretarako Gernikan zine-ekitaldiak izan ditugu. DBH 2., 3. eta 4. mailakoek “Belier familia” filma ikusi zuten eta ostean pelikula oinarri hartuta,  zenbait dinamikaren baloreak landu zituzten.

DBH 1. mailako ikasleak Bilbora joan ziren. Beste ikastetxe batzuetako ikasleekin batera Ghadi pelikula ikusi  eta landu zuten.  Elizbarrutiko Zeinua deritzon ekitaldian ere parte hartu zuten. Aurtongo leloa  "Etxean bezela makalenak lehenak. Mundua, gure familia" izan da.

2017/04/06

SAN FIDELEKO ILUSIONISTAK, KORRIKAREKIN!

Gaur, apirilaren 5ean, San Fidel Ikastolako ilusionistak bidera atera gara  Korrikarekin . Guraso, ikasle, irakasle eta langileak Gernikako kaleetan izan gara , Ikastolaren izenean  lekukoa hartu duten gure bertsolari txapeldunei laguntzeko eta Euskararen alde dauden guztiekin bat egiteko.

ERASMUS +


 Teterow-en (Alemania) ateratako argazki bilduma.